اكتب اليكم اعزائنا الطلية هذه السطور المليئة بالحقد ، الحقد على كل ما هو اعوج ففي هذه الايام ، التي يكثر فيها العهر السياسي والتملق السياسي ، اجد نفسي وحيداً وسط قطيع من الفئويين ، وسط قطيع من المقتتلين الذين ينتمون لاحزابهم ولحركتاهم اكثر من انتمائهم لقضيتهم الاساسية ، وهي شعبهم المصلوب على سطوة السجان ، اجد نفسي وحيداً في زمن القشور زمن اصبحت الالوان الفئوية تطغى على الوان علمنا الفلسطيني ، فحتى عندما نحاول ان نتوحد حول قضية معينة يأبى البعض الا بادخال نزاعاته الحزبية والبلدية في قضايانا الطلابية ، بالفعل ان شر البلية ما يضحك ففي اليوم الذي يذبح فيه شعبنا في كل مكان نجد الاحزاب المقتتلة تزيد النار لهيباً بمنشوراتها وبكلامها المسموم والمعبأ بالكراهية ، لماذا يا جبهتنا ؟ لماذا يا تجمعنا ؟ لماذا يا ابناء جلدتنا ؟ اما آن لكم ان تكتفوا بهذا القدر من هذه المهزلة ؟ هل سيذهب شهداء في معركتكم الحزبية كما قيل ؟ اما آن لكم ان تصمتوا قليلاً لنسمع ذاك الصوت الاتي من المساجد مبشراً بشهيد جديد ؟ اما آن لكم بان تذكروا اسرانا القابعين في غياهب الاسر في نشراتكم الحمراء البرتقالية ؟ انا وعبر هذه السطور ابشركم بولادة جديدة ولادة روح تدعوكم للتوحد حول قضايانا السامية وليس التشرذم الحزبي والاقتتال الاخوي ، كونوا على يقين اننا نحبكم ولولا محبتنا لكم لما استوقفناكم طالبين منكم الكف عن مهزلتكم .

ابن البلد

إن مفصلاً هاماً وضرورياً في رؤيتنا الوطنية يجب أن يتوضح عبر الحفاظ على دور ووظيفة " لجنة الطلاب العرب " الأمر الذي يستلزم الوعي لأهمية مؤسساتنا الوطنية، وإعادة الاعتبار لـلجنة الطلاب العرب وبنائها على أسس سياسية وديمقراطية كي تتحمل المسؤولية التاريخية في قيادة نضالنا الفلسطيني على المستوى الطلابي ، وكي تبقى الممثل الشرعي والوحيد للطلاب العرب الفلسطينيون في الجامعات الاسرائيلية وليس النقابة العامة " الأغودة " التي تمثل وجه الاحتلال الثقافي والاقتصادي في داخل الجامعة , النقابة العامة التي أدّت الى فقدان البوصلة والى تناسي الطريق التي يسير عليها الاحرار.ان انتخابات الاغودة تشير مرة تلو مرة بؤس الاحزاب العربية وفشل ما يسمى بالعمل الوطني الكاذب.

هبوط اضطراري :
بالطيارات كتير بعملو هبوط اضطراري وقليل ما يروح ضحيتو ناس بس بجامعة حيفا هاي السنة الجبهة الطلابية هبطت هبوط اضراري راح ضحيتو 9 اعضاء اغوداة غير المصابين بالذعر نتيجة هالهبوط وبالطبع الجبهة توعدت برد سريع واليم وفوري ووجهت اصبع الاتهام للتجمع ، اما التجمع فيا حبيبي شو هالهبوط الاظطراري اصدي الاض طراري لتروحو تزعلو عالداد كيف كنتو مقاطعين وهوب مرة وحدي هبطتو لهيك انتخابات ! التجمع والجبهة نازلين اسا لبعض بحرب منشورية وبعدهن بستهينو بعقولكو ومفكرين انو طلابنا معزة معزة معزة معزة واصوات وبس معزة واصوات وعلى فكرة اسا في كتاب جديد اسمو " خسارة التسعة واصوات المعزة " وهو كتاب مشترك فيو قصص واقعية من انتخابات الاغوداه ومليء بالمغامرات الانتخابية وكمان فيو نمر تلفونات لكل المقاولين تعون الاصوات وفيو هذا الكتاب ملحق عن كيف بتغدر تفتح شركة وتكون كبلان اصوات بدون ما تلاحقك ضريبة الضمير.

مممم لذيذ انا احبه :
وصل لمراسلينا في ساتيرا وانفتحت خبر من جهات موخابراتية امنية موثوقة ومربطة مليح انو رح يفتتح مقر لذوي البطون والكروش واسمو " مكدونالد " حد الاكدمون ، ومتل ما انتو عارفين انو هاي الشبكة هي جزء من القمع وكل ما نعبي بطنا بوجبة وكل ما نوكل لقمة في ناس راح توكل رصاصة لانو هاي الشركة اللي اسمها ماكدونالد بتتبرع بجزء من ارباحها لجيش بلادي جيش بلادي جيس الدفاع تبعنا جيش القمع الاسرائيلي .

عشـــــــــــــــــو ؟
ولكو نفسي اعرف بس عشو التجمع والجبهة دايماً بتقاتلو والله لو عالدونم عمار منقول ها معقولة ، والله لو على ايديولوجيات وعلى مبادىء منقول معقولة ، لو على طريقة خوض النضال الشعبي والجماهيري منقول معقولة ، لو على كيفية تحسين ظروف الطلاب العرب منقول معقولة ، لو بتقاتلو على كيفية اعادة بناء المؤسسات الوطنية منقول معقولة ، هههه بتعرفو عشو بتقاتلو ؟ عالاصوات وعالانتخابات .

اللي استحوا ماتوا
قبل شي اسبوع كنا نوزع منشور اجت صبية في مقتبل العمر اعطيتها منشور بتقلي للجبهة ؟ بقلها لا بتقلي معناها اوكي ، قمت انا اعطيتها منشور ، وتقوم هي تزتو بالزبالة قدام عيوني بقلها معليش ليش زتتيه بتقلي انا مش مستعدة اقرا هيك اشياء وهيك مناشير مش ناقصني هموم ! وانا بتوجه لهاي الصبية وبسالها شو اهتماماتها ؟ ديسكوتيكيم ؟ حفلات ترانس وبابيم ؟ ولا بهمك المكياج ؟هذا هو همك ؟ اذا كنتي هيك معناها حضرتك تافهة وسطحية ، واسمحيلي اقلك انت بدون قيمة ! بتعرفي ليش ؟ لانو الانسان اللي ما بقدر شو الحم والوجع تبع الرصاصة اللي عم تخترق صدر شعبو ، والانسان اللي ما بعرف شو هي لذة فنجان القهوة اللي بشربو العامل في الضفة وغزة الصبح وهو عارف انو مش رح يرجع عالبيت غير شهيد ، فهذا الانسان الطالب بلا منو وبلا تعليمو ، وانا بوعدك المرة الجاي لما اشوفك رح اقلك كلمة وحدة وبس انك ام فـــــــص مش اكثر ولا اقل .

جديد جديد جديد جديد جديد :
بهاليومين رح ينزل بالسوق قاموس جديد وفيو كل المصطلحات اللي بستعملو السقعين من طلابنا العرب ويشمل :
يـــــــــــاي – تقال للتوجهن والتملق
وااااااااو - تقول للاستغراب والدهشة
اوبس - تقال اذا خبطت بطالب يهودي
سليخة - تقال اذا خبطت بطالب عربي
والان كل من يشتري القاموس يحصل على كتاب " الحوطيني ونكبة الشعب الفلسطيني " .